Мактоминей «Арсеналға» ауысуы мүмкін

«Наполи» жартылай қорғаушысы Скотт Мактоминей Ағылшын Премьер-лигасына оралуы мүмкін

Area Napoli хабарлауынша, 29 жастағы шотландиялық ойыншыға «Арсенал» қызығушылық танытып отыр. Одан бөлек оны «Тоттенхэм» де өз қатарынан көргісі келеді екен. Скотт келер жазда клуб ауыстыруы бек мүмкін.

Мактоминей Неапольдің клубына 2024 жылдың жазында «Манчестер Юнайтедтен» ауысып келген еді. Ол осы маусымда 34 матчта 10 гол соғып, төрт нәтижелі пас берді.