«Арсенал» Йылдызға көз тікті

«Арсенал» Кенан Йылдызды қатарларына қосуға ниетті

Corriere dello Sport таратқан мәліметке сәйкес, Лондонның «Арсеналы» Кенан Йылдызды қатарына қосу үшін белсенді түрде әрекет етіп жатыр. Ағылшын клубы ойыншының өкілдерімен байланысқа шығып, оның жалақы бойынша талаптарын анықтауға тырысқан.

Қазір Кенан Йылдыз Туриннің «Ювентусымен» жаңа келісімшарт туралы келіссөздер жүргізуде. Жас жұлдыз жылына 6–7 миллион еуро көлемінде жалақы сұрап отырғаны хабарланды. Ал қазіргі келісімі бойынша ол шамамен 1,7 миллион еуро және бонустар алады.

«Ювентус» футболшыға жылына 5 миллион еуродан сәл төмен жалақы ұсынғанымен, бұл ұсыныс Йылдыздың қаржылай талаптарына толық сәйкес келмейтін секілді. Осы жағдайды пайдаланып, «Арсенал» келіссөздердегі позициясын нығайтып, ойыншыны өз қатарына қосуға тырысуда.