Чемпиондар лигасының басты фавориті белгілі болды

Чемпиондар лигасының жартылай финалистері белгілі болғаннан кейін Opta әр команданың топ жару мүмкіндігін жариялады

Жаңартылған рейтингтің көшін «Арсенал» бастап тұр. «Зеңбірекшілердің» чемпион болу ықтималдығы 38.58%-ды құрайды. Екінші орынға «Бавария» (33.34%) жайғасса, үздік үштікті ПСЖ (19.10%) түйіндеген. Ал төртінші орында «Атлетико» (8.98%) тұр.

Жартылай финалда «Бавария» мен ПСЖ кездессе, екінші жұпта «Атлетико» және «Арсенал» күш сынасады. Ойындар 28-29 сәуір және 5-6 мамыр күндері өтеді.