Флик: Левандовски – соңғы онжылдықтағы үздік шабуылшы

«Барселона» бас бапкері Ханси Флик шәкірті Роберт Левандовски жайлы сөз қозғады

– «Левандовскидың орны бөлек. Оған гол соғу үшін кішігірім мүмкіндік те жетеді. Соңғы он жылды есепке алсақ, Левандовски үздік «тоғыздықтардың» бірі. Ең мықтысы десем де қателеспеймін. Жас ол үшін мәселе емес. 37-де болса да әлі аш, гол соғуға құлшынып тұр. Бұл біз үшін өте маңызды»,– деді неміс маманы.

Левандовски Ла Лиганың осы маусымында 10 ойынға қатысып, сегіз гол соқты.