«Манчестер Сити» үш ойыншысын сатуға дайын

«Манчестер Сити» үш бірдей ойыншысымен қош айтыспақ

Football Insider хабарлауынша, «қалалықтар» Савиньо, Рико Льюис және Оскар Бобты қыста сатуға дайын. Одан түскен қаржыға клуб топ-трансфер жасауға ниетті екен.

Аталған ойыншылардың бәрі жас. Нақтырақ айтсақ, Савиньо мен Льюис – 21-де, ал Бобб – 22-де.

Еске салайық, 15 турдан кейін 31 ұпай жинаған «қалалықтар» Ағылшын Премьер-лигасында екінші орында келеді. Пеп Гвардиола шәкірттері бүгін, 14 желтоқсанда «Кристал Пэласпен» кездеседі. 19:00-де басталатын матчты Setanta Sports 2 арнасы тікелей эфирде көрсетеді.