Маркус Тюрам 100-голдық межені бағындырды

Чемпиондар лигасының бірінші туры аясында «Интер» «Аякстан» 2:0 есебімен басым түсті

Аталған матчта Маркус Тюрам дубль жасап, мансабындағы 99 және 100-голдарын қақпа торына енгізді.

Франциялық шабуылшы осы 100-голын төрт клубтың жейдесінде соққан екен: «Интер» – 38, «Боруссия» Мёнхенгладбах – 44, «Генгам» – 17, «Сошо» – 1.

Ал Чемпиондар лигасы аясында жалпы тоғыз мәрте мергендік танытқан.

28 жастағы футболшы бұл нәтижені 349 матчта тіркеді.

Тюрам миландық клубтың намысын 2023 жылдың тамыз айынан бері қорғап келеді.