«Наполи» «Ювентустен» басым түсті

Италия А Сериясының 14-турында «Наполи» өз алаңында «Ювентусты» тізе бүктірді

Диего Марадона атындағы стадионда өткен кездесуде 2:1 есебі тіркелді. Алаң иелері сапында Расмус Хейлунд дубль авторы атанды. Ал «Ювентустың» жалғыз голын Кенан Йылдыз соқты.

Осылайша Неапольдің клубы 31-ұпайын олжалап турнир кестесінде көш бастады. 23 ұпайы бар Турин ұжымы болса жетінші орында қала береді.

Келесі турда Антонио Контенің шәкірттері «Удинеземен» ойнаса, Лучано Спаллеттидің командасы «Болоньямен» күш сынасады.