ПСЖ жұлдызы «Ливерпульге» қарсы ойнамайды

ПСЖ вингері Брэдли Барколяның жағдайы белгілі болды

RMC Sport хабарлауынша, ол тобығын созып алғаннан кейін қалыпқа келу процесінен өтіп жатыр. Брэдли жарақатынан ойлағаннан да ерте айығып қалуы мүмкін, бірақ ертең, 8 сәуірге жоспарланған Чемпиондар лигасының 1/4 финалындағы «Ливерпульге» қарсы бірінші матчқа дайын болмайды екен.

Барколя осыған дейін Чемпиондар лигасының 1/8 финалындағы «Челсиге» (3:0) қарсы қарымта ойында оң аяғының тобық байламын созып алған еді. Ол содан бері алаңға шықпады.

23 жастағы француз вингері осы маусымда 38 матчта 12 гол соғып, алты нәтижелі пас берді.