Упамекано «Баварияда» қалады

Дайо Упамекано «Бавариямен» келісімшартын ұзартуға жақын

Флориан Плеттенбергтің мәліметінше, қазір француз қорғаушысының агенті Мюнхен клубының өкілдерімен келіссөз жүргізуде. Тараптар арасындағы әңгіме 2030 не 2031 жылға дейін жарамды болатын жаңа құжатқа қол қою туралы өрбіп жатыр екен.

Упамекано «Бавария» сапына 2021 жылы «Лейпцигтен» ауысып келген еді. Осы аралықта 166 ойында бес гол соғып, 10 нәтижелі пас берді.