Жоан Гарсия қашан оралады?

«Барселона» қақпашысы Жоан Гарсияның жағдайы белгілі болды

Marca мәліметінше, 24 жастағы футболшы жеке бағдарлама бойынша шынығып жүр. Келесі аптада топтық жаттығуға қосылады екен. Ал алаңға 22 қараша күні өтетін «Атлетикке» қарсы ойында оралады деп күтілуде.

Испаниялық голкипер тізесіндегі жарақатына байланысты соңғы алты кездесуге қатыспаған еді.

Гарсия осы маусымда жеті матчта қақпасына бес гол өткізіп, үш ойында доп жібермеді.