«Ливерпульдің» бұрынғы бапкері Саудия клубын тізгіндейді

Брендан Роджерс «Әл-Кадисия» бас бапкері атанады

Фабрицио Романоның хабарлауынша, қос тарап 2,5 жылға жарамды келісімшартқа қол қойды. Жақында ресми хабарланады екен.

52 жастағы Солтүстік Ирландия маманы 27 қазан күні «Селтиктегі» қызметінен кеткен еді. Одан бөлек ол «Уотфорд», «Рединг», «Суонси Сити», «Ливерпуль» және «Лестер Ситиді» баптаған.

Тоғыз турдан кейін 17 ұпай жинаған «Әл-Кадисия» Саудия чемпионатында бесінші орында келеді.