Пеп Гвардиола 1000-матчын өткізді

Ағылшын Премьер-лигасының 11-турында «Манчестер Сити» «Ливерпульді» 3:0 есебімен жеңді

Бұл Пеп Гвардиоланың бапкерлік мансабындағы мерейлі 1000-матчы болды.

Тәлімгер ретіндегі жолын 2005 жылы бастаған испаниялық маман карьерасында «Манчестер Ситиден» (550 ойын) бөлек «Бавария» (161), «Барселона» (247) және «Барселона Б» (42) командаларын жаттықтырған.

Осы аралықта 716 рет жеңіске жетіп, 156 мәрте тең ойнап, 128 кездесуде қарсыласына жол берді. Сондай-ақ жалпы 40 трофейді көкке көтерген.