Робертсон «Ливерпульден» кетеді

Эндрю Робертсон туған жеріне оралуы мүмкін

«Ливерпуль» клубының сол қаптал қорғаушысы Эндрю Робертсон өзінің кәсіби мансабын бастаған Шотландияға қайта оралуы мүмкін. Шетелдік БАҚ-тың хабарлауынша, футболшы «Селтик» клубымен алдын ала келісімшарт жасауға дайын.

Робертсонның «қызылдармен» келісімшарты 2026 жылдың жазында аяқталады.

Қорғаушы 2017 жылдан бері «қызылдардың» намысын қорғап жүр. Сол жылы «Халл» клубынан ауысып келген еді. Жалпы мансабын Шотландияның «К. Парк» ұжымында бастаған.