Хейсен: «Энфилд» жәй ғана алаң

Бүгін УЕФА Чемпиондар лигасының жалпы кезеңі аясында «Ливерпуль» өз алаңында «Реалды» қабылдайды.

«Реал Мадрид» қорғаушысы Хейсен алдағы «Ливерпульге» қарсы ойынды асыға күтіп отырғанын айтты. Футболшының сөзінше, басты мақсат — 100% ойын өрнегін көрсетіп, 3 ұпайды қоржынға салу.

«Біз ойынға толық дайынбыз. Біздің мақсат - бар күшімізді салып, жеңіске жету. «Энфилдтегі» қысым мен атмосфера мен үшін қиындық тудырмайды. Мен бұл стадионда бұрын ойнағанмын. Бұл - жай ғана алаң, онда футболшылар өнер көрсетеді», — деді қорғаушы.