Айвен Тоуни АПЛ-ге оралуы мүмкін

Саудияның «Әл-Ахли» клубында ойнайтын Айвен Тоуни Ағылшын Премьер-лигасына оралуы мүмкін

Football Insider хабарлауынша, 29 жастағы шабуылшыға «Тоттенхэм» көз тігіп отыр.

Лондонның клубы Доминик Соланке немесе Ришарлисонды сатып, оның орнына Тоуниді алғысы келеді екен.

Тоуниге АПЛ таңсық емес. Ол бұған дейін «Ньюкасл» (2015-2018) мен «Брентфордтың» (2020-2024) намысын қорғаған. Англия біріншілігінде жалпы 85 матчта 36 гол соғып, 11 нәтижелі пас берген.