«Ливерпуль» көптен күткен жеңіске жетті

Ағылшын Премьер-лигасының 10-туры аясында «Ливерпуль» өз алаңында «Астон Вилланы» тізе бүктірді

«Энфилд» стадионында өткен кездесу 2:0 есебімен аяқталды. Алаң иелерінің сапында Мұхамед Салах пен Райан Гравенберх қақпа торын тулатты.

Осылайша 18-ұпайын еншілеген Мерсисайдтың клубы live-кестеде үшінші орынға көтерілді.

Арне Слот шәкірттері келесі турда 9 қараша күні «Манчестер Ситиге» қонаққа барады. Ал одан төрт күн бұрын Чемпиондар лигасында Мадридтің «Реалын» қабылдайды.

Айта кетейік, бұған дейін «қызылдар» ішкі біріншіліктегі соңғы төрт матчта жеңіліс тапқан еді.