Ориоль Ромеу «Саутгемптон» ойыншысы атанады

«Барселонаның» бұрынғы тұтқауылы Ориоль Ромеу «Саутгемптонге» оралады

Фабрицио Романоның мәліметінше, 34 жастағы жартылай қорғаушы Англияның клубына еркін агент ретінде ауысады. Қос тарап маусым соңына дейін жарамды келісімшартқа қол қойыпты. Сондай-ақ тағы бір жылға ұзарту мүмкіндігі қарастырылады екен.

Ориоль Ромеу бұған дейін «Саутгемптонде» 2015-2022 жылдары ойнаған еді. Осы аралықта 256 матчта сегіз гол соғып, жеті нәтижелі пас берді.

Айта кетейік, 14 турдан кейін 15 ұпай жинаған «әулиелер» чемпионшипте 19-орында келеді.